Benvid@s ó Blogue do Obradoiro de Emprego”Boqueixón-Vedra 2017″

Benvido/a internauta ó noso espazo!

A través desta xanela iremos amosando á actividade desenvolvida neste Obradoiro  de Emprego, promovido polos Concellos de Boqueixón e Vedra, a través da subvención concedida pola Consellería de Economía,  Emprego e Industria, quen cofinancia  este proxecto xunto cos Concellos promotores.

Nel amosaremos os progresos do noso alumnado, integrado por 20 alumnos/as que se forman en  dous Certificados de Profesionalidade:

  • Operacións auxiliares de revestimentos continuos en Construcción (EOCB0109)
  • Traballos de carpintería e Moble (MAMD0209)

Neste proxecto formativo, procuraremos  o emprego de metodoloxías activas e vivenciais, que sitúen ó alumnado como centro do proceso de Ensinanza-Aprendizaxe,  dun xeito participativo, colaborativo  e lúdico, porque existen moitas formas de aprender, diversos tipos de intelixencia presentes nun aula  e polo tanto ten que haber diversas formas de ensinar…

Iremos así mesmo,  mostrando a evolución das obras aprobadas para este proxecto, nas que o alumnado porá en práctica os contidos aprendidos en Aula, acadando así as competencias esixidas nos corresponentes Certificados.

Acompaña a este programa formativo, unha serie de módulos complementarios, dirixidos a fomentar a autonomia do alumnado,  o espírito reflexivo, o respeto polos demáis e polo noso medio…,  onde se fomente o traballo en equipo, a empatía e solidariedade, a resolución pacífica dos conflictos….. competencias e actitudes todas elas, que tanto nos sirven e axudan na esfera profesional como na privada.

O noso obxectivo é mellorar a empregabilidade do noso alumnado, para  intentar acadar ó remate deste proxecto formativo, a súa inserción laboral.

Esperamos  que este espazo sexa do teu interese. Benvido/a ó noso Blogue !

 

 

 

 

Anuncios

Clausura do Obradoiro de Emprego “Boqueixón-Vedra 2017”

E logo pasaron estos nove meses de aprendizaxes, experiencias, procesos, transformacións…….  e chegou a hora de baixar o telón.

Coa alegría de que xa catro dos nosos alumnos/as insertáronse laboralmente antes de rematar , ó fin e o cabo ese é o fin último dun Obradoiro, cualificar ou recualificar para acceder novamente ó mercado laboral e esperando que pronto todo o alumnado atope  novas saídas profesionais. Portas que se pechan para que outras se abran.

Queda a pegada do paso de este proxecto e o seu alumnado a través das diversas actuacións que se levaron a cabo nos Concellos promotores, que  cambiaron  a súa fisonomía e das que este Blogue pretendeu ser unha pequena xanela a través da cal íamos amosando  a  actividade desenvolta así como a transformación dos espazos, paralelamente á  que experimentaba o alumnado.

E así coa “foto de familia”, tras a entrega de Diplomas e Certificados de Profesionalidade que tivo lugar o 28 de xuño, na Nave principal da Estación de Santa Cruz en Vedra, unha das actuacións desenvolvidas por este Obradoiro de Emprego, despedímosnos agradecendo a vosa visita a este espazo.

Rematamos cunha frase da  UNESCO : “Os obxectivos básicos da educación deben ser aprender a aprender, aprender a resolver, aprender a ser”.Esperamos telo conseguido …..

 

IMG-20180628-WA0000

 

 

Remate actuacións en Santa Cruz (Vedra)

Xa no sprit final antes da clausura do Obradoiro, rematamos o noso escenario. Para protexelo aplicouselle Lasur , colocamos a  porta oculta de saída do escenario e démoslle un último pulo á nave posterior que ofrece un aspecto máis remozado, alegre e colorista, ainda que sobre gustos e cores…..non sempre hai consenso, como na vida mesma….!

Imos coas últimas imaxes antes de “baixar o telón”….

 

 

 

Actuación no Baixo Local Social de Lestedo ( Revestimentos III)

Como víramos en anteriores Post, para rematar ó 100% deste  proxecto formativo e  polo que atinxe ó Concello de Boqueixon, quedábanos pendente a aplicación de pintura Epoxi neste baixo.

Trátase dun traballo, e unha práctica formativa que pertence ó Módulo MF0873_1: “Pintura e materiais de imprimación e protectores en construción” do Certificado de Profesionalidade de “Operacións auxiliares de revestimentos continuos en construción”.

Tras abrir o poro empregando lixadora industrial e a aplicación de imprimación, tocoulle á hora a aplicación da pintura, cun pequeno cambio de imaxe, para que se note que se trata dunha nova actuación… e a iso se puxeron máns á obra, a nosa marea branca !!!

Imos coas imaxes do proceso e do cambio, e tras a aplicación de dúas máns de pintura, rematamos a totalidade do Proxecto en Boqueixón. Noraboa ó noso alumnado e docentes!!

 

Actuacións en Naves Estación de Santa Cruz (Especialidade Madeira)

Nesta semana, e previa preparación por parte do alumnado dos distintos  módulos e elementos que conforman portas e contraportas no  Taller da Especialidade de Carpintería, sito en Camporrapado (Boqueixón),  comezamos coa súa montaxe nas Naves da Estación de Santa Cruz.

Como se pode observar nas imaxes hai un antes e un despois,  portas e contras que van transformando a estética do lugar.

Así mesmo, continuouse coa instalación de tarima no tramo modular do escenario, imos vendo os avances:

 

 

 

Actuacións Edificio Usos Múltiples de Lestedo (Revestimentos II)

A especialidade de “Operacións auxiliares de revestimentos continuos en construción” deste Obradoiro de Emprego, está ultimando xa a obra que tiñamos aprobada en Lestedo: o acondicionamento do Edificio de Usos Múltiples.  E o último que nos falta xa para a súa completa execución é o tratamento superficial do pavemento continuo de formigón con pintura Epoxi

Para iso previamente temos que abrir o poro, reparar fisuras e aplicar a pintura.

Imos cunha primeiras imaxes do noso alumnado en acción, lixadora  e aspiradoras en acción!

 

 

Actuacións Edificio Usos Múltiples de Lestedo (Revestimentos continuos) I

No edificio de usos múltiples de Lestedo, quedábannos algúns pequenos “flecos” por rematar completamente o proxecto. Flecos que deixaramos pendentes para  ir a outras actuacións ,nas que os traballos da especialidade “Revestimentos continuos” eran previos e necesarios,  para que a especialidade de  “Madeira e Moble”  puidera comezar  as  súas actuacións.

Unha vez rematadas estas, voltamos a Lestedo  para acondicionar o C.R.A  e  o despacho de Dirección, que era o  único que quedaba por rematar na segunda planta.

Así tivemos ocasión de observar a evolución que tivo neste tempo o alumnado, da destreza acadada, da rapidez na  execución e como  se “merendaron” o C.R.A e o despacho en “dous días” como quen dí, e se non foi antes foi porque o tempo meteorolóxico non nos axudou moito para que a pintura secara ben….. están feitos todos uns e unhas  profesionais!

Imos cunhas imaxes:

 

 

 

 

 

Nave principal Estación de Santa Cruz (Especialidade Madeira)

Os traballos continúan avanzando, xa na recta final deste Obradoiro de Emprego é nesta última semán, continuouse co escenario, centrándonos especialmente no tramo modular así como na  construción das portas das naves principal e posterior  e a contraporta  da principal,  realizadas en madeira de Iroko, respectando así  a estética das xa colocadas nun  anterior Obradoiro.

E así  pouco a pouco, fomos vendo como da madeira, de esa materia prima  ainda por  modelar, foron aparecendo formas,  transformacións,  ensaios e probas e tamén cambios… dos que finalmente,  foron xurdindo os diferentes   elementos que integran este espazo. Transformacións que non deixan de ser unha  metáfora dos procesos que teñen lugar en todo escenario educativo, como o que é un Obradoiro, diferente materia prima, diferentes motivacions,   ritmos, intereses e transformacións….

E deixamos a un lado reflexións xa case de “peche  de ciclo” e  imos coas imaxes do traballo desenvolvido na última semán en Santa Cruz: